प्रथम वार्षिक साधारण सभा सम्बन्धी सूचना

यस समाजको प्रथम वार्षिक साधारण सभा यही २०८१ साल भदौ महिना २२ गते शनिवारका दिन बिहान ११:०० बजेदेखि संस्थाको रजिष्टर्ड ठेगाना काठमाडौं महानगरपालिका वडा नं. १०, नयाँबानेश्वर, काठमाडौंमा हुने भएकाले उक्त साधारण सभामा उपस्थित भइदिनुहुन सम्पूर्ण आजीवन सदस्यहरू, साधारण सदस्यहरू तथा समस्त बन्धु बान्धवहरूमा यो सूचना प्रकाशन गरिएको छ ।

साधारण सभामा छलफल हुने विषयहरूः

१. आ.व. २०८०/०८१ को अध्यक्षज्यूले पेश गर्नुहुने प्रतिवेदन उपर छलफल गरी पारित गर्ने सम्बन्धमा ।

२. आ.व. २०८०/०८१ को सचिवज्यूले पेश गर्नुहुने प्रतिवेदन उपर छलफल गरी पारित गर्ने सम्बन्धमा ।

३. आ.व. २०८०/०८१ को कोषाध्यक्षज्यूले पेश गर्नुहुने प्रतिवेदन उपर छलफल गरी पारित गर्ने सम्बन्धमा ।

४. आ.व. २०८०/०८१ को संस्थाका तर्फबाट लेखा परीक्षकज्यूले पेश गर्नुहुने वासलात, आय-व्यय, लगायतका लेखा परीक्षण प्रतिवेदन उपर छलफल गरी पारित गर्ने सम्बन्धमा ।

५. आ.व. २०८१/०८२ को लागि लेखा परीक्षकको नियुक्ति तथा निजको पारिश्रमिक निर्धारण गर्ने सम्बन्धमा ।

६. आ.व. २०८०/०८१ मा सञ्चालक समितिले गरेका निर्णयहरू अनुमोदन गर्ने सम्बन्धमा ।

७. संस्था सञ्चालनका लागि आवश्यक विनियम तथा कार्यविधिहरू पारित गर्ने सम्बन्धमा ।

८. सञ्चालक समितिको गठन/निर्वाचन तथा नियुक्ति सम्बन्धमा ।

९. विविध ।

सम्पर्कका लागिः सचिव – मोहन प्रसाद रेग्मी (९८५११६४८९४)